telugudanam.com

      telugudanam.com

   

ఎవడయ్య ఎవడు వాడు

శాతవాహనుల వంశాన పుట్టినవాడు

కాకతీయుల పోతుగడ్డ మెట్టినవాడు

పల్లెలోనె కాదు ఢిల్లీలో సైతమ్ము

పెద్ద గద్దెల నేలి పేరుకెక్కినవాడు

ఎవడయ్య ఎవడువాడు ఇం

కెవడయ్య తెలుగువాడు!

పంచెకట్టుటలో ప్రపంచాన మొనగాడు

కండువా లేనిదే గడప దాటనివాడు

పంచభక్ష్యాలు ఆన కంచాన వడ్డించ

గోంగూర కోసమై గుటక లేసేవాడు || ఎవడయ్య ||

తెలుగు బాషను జుంటితేనెయని తెగపొగడి

పొరిగింటి పులుపుకై మరులు పెంచినవాడు

దేశ భాషలలోన తెలుగు లెస్సని చాటి

మల్లెలకు బదులు లిల్లీలు వలచినవాడు || ఎవడయ్య ||

ఒక చేతి మజ్జిగని బరసి పట్టినవాడు

ఒక చేతి మధుపాత్ర వొదిలి పెట్టనివాడు

ఒక ముహుర్తాన ఇంచుక బుర్రగోకుకొని

చల్ల వంచిన చేత కల్లు పంచినవాడు || ఎవడయ్య ||

నేల నల్దెసల డేరాలు నాటినవాడు

అన్ని మూసలలోన అట్టె బదిగినవాడు

ఏ దేశమేగినా ఎందు కాలిడినా

ఆవకాయ వియోగ మసలే సైపనివాడు

Telugudanam.co.in
వెనుకకు | మొదటి పేజీ | తెలుగుదనం బ్లాగు | మాగురించి | సలహాలు | పత్రికలలో తెలుగుదనం                                సందర్శకుల సంఖ్య: