telugudanam.com

      telugudanam.com

   

శ్రీ బిల్వాష్టకమ్

1. త్రిదళం త్రిగుణాకారం - త్రినేత్రం చ త్రియాయుధం|

త్రిజన్మ పాపసంహారం - ఏకబిల్వం శివార్పణమ్.


2. త్రిశాఖై ర్బిల్పపత్రైశ్చ - హ్యచ్ఛిద్రైః కోమలై శ్శుభైః|

శివపూజాం కరిష్యామి - ఏకబిల్వం శివార్పణమ్.


3. అఖండబిల్వపత్రేణ - పూజిత నందికేశ్వరే |

శుద్ద్యంతి సర్వపాపేభ్యః - ఏకబిల్వం శివార్పణమ్.


4. సాలగ్రామాశిలా మేకం - జాతు విప్రాయ యోర్పయేత్

సోమయజ్ఞ మహాపుణ్యం - ఏకబిల్వం శివార్పణమ్.


5. దంతికోటి సహస్రాణి - వాజపేయశతాని చ|

కోటికన్యామహాదానం - ఏకబిల్వం శివార్పణమ్.


6. పార్వత్యా స్స్వేదతోత్పన్నం - మహాదేవస్య చ ప్రియం

బిల్వవృక్షం నమస్యామి - ఏకబిల్వం శివార్పణమ్.


7. దర్శనం బిల్వవృక్షస్య - స్పర్శనం పాపవినాశనం|

అఘోరపాపసంహారం - ఏకబిల్వం శివార్పణమ్.


8. మూలతో బ్రహ్మరూపాయ - మధ్యతో విష్ణురూపిణే|

అగ్రత శ్శివరూపాయ - ఏకబిల్వం శివార్పణమ్.


9. బిల్వాష్టక మిదం పుణ్యం - యః పఠే చ్ఛివసన్నిధౌ|

సర్వపాపవినిర్ముక్తః - శివలోక మవాప్నుయాత్.


మూలం : దైవదర్శనం

Telugudanam.co.in
వెనుకకు | మొదటి పేజీ | తెలుగుదనం బ్లాగు | మాగురించి | సలహాలు | పత్రికలలో తెలుగుదనం                                సందర్శకుల సంఖ్య: